th

මේ කිත්සිරි දර්මවර්දන එරෙහිව කොස්තාපල් මහින්ද ගුණතිලක සහ තවත් අය නඩුවයි. එය SC (FR ) Application NO 149/2006 හි සදහන්ව ඇත. මුලික අයිතිවාසිකම් නඩුවකි. අගවිනිසුරු සරත් නන්ද සිල්වා, ශිරාණි තිලකවර්දන, එන් ඊ දිසානායක යන ත්‍රිපුද්ගල ශේෂ්ට්‍රදිකරන විනිසුරු මඩුල්ල ඉදිරියේ විබාග විය. පෙත්සම්කරු වෙනුවෙන් නීතිඥ ශාමෙන් ගුණරත්නද වගයුත්තරකරුවන් වෙනුවෙන් නීතිඥ විරාන් කොරයා, ආචාර්ය ජයන්ත ද අල්මේදා, මදුරංග රත්නායක, සහ රජිත පෙරේරා පෙනී සිටියහ.

2007.04..05 වන දින තීරණය කෙරිණි. 1978 ආණ්ඩු ක්‍රම විවස්ථාවේ 11 වන වගන්තිය සහ 12 (1) වගන්තියේ සදහන් මුලික අයිතිවාසිකම් පෙත්සම්කරු සම්බන්දයෙන් උල්ලංගනය වූ බව තීරණය කෙරිණි. දිසානායක විනිසුරු තීන්දුව ලබා දුන් අතර එයට අගවිනිසුරු සරත් නන්ද සිල්වා සහ ශිරාණි තිලකවර්දන එකග විය.

මෙම වගයුත්තරාකාර පොලිස් නිලදාරින් ඇල්පිටිය පොලිස් අබ්යාස විද්‍යාලයට අනුයුක්තව සිටි අයයි. ඔවුන්ට කටපොල හන්දියේ ත්‍රිරෝද රථ රියදුරන් සමග හොද සබදතාවයක් තිබුනේ නැත. පෙත්සම්කරු එහි සිටි ත්‍රිරෝද රථ රියදුරෙකි. මෙම සබදතාවය පලුදු වීමට හේතුව පොලිස් නිලදාරීන් මෙම ත්‍රිරෝද රථ වල ගමන් ගොස් ගාස්තුව නොගේවිමයි.

2006 මාර්තු 25 වන දින සවස 6 ට පමණ පළමු වගයුත්තරකරු මෙම හන්දියට පැමිණ පෙත්සම්කරුට ත්රිවිලරයෙන් ගමනක් යාමට රාත්‍රී 9 ට පැමිණෙන ලෙස දැන්වුහ. පෙත්සම්කරු එය ප්‍රතික්ෂේප කලේ ඔහුට වෙනත් ගමනක් යෙදි තිබුන බැවිනි. 2006 මාර්තු 27 වැනි දින මෙයට පලිගැනීම සිද්ද විය. පෙත්සම්කරුට පොලිස් නිලදාරීන් අමානුෂික ලෙස පහර දෙන ලදී. ඒ අත් වලින් කකුල් වලින් සහ පොලු වලිනි. පොලිස් ස්ථානයට රැගෙන ගිය පෙත්සම්කරුව ඥාතීන්ගේ ඉල්ලීම පරිදි නිදහස් කෙරිණි. ඔහුව ඇල්පිටිය දිසා රෝහලට ඇතුලත් කල අතර එහිදී අදිකරණ වයිද්‍ය නිලදාරී විසින් පරික්ෂා කරනු ලැබිණි. ඔහුගේ නියමයෙන් පෙත්සම්කරුව වැඩි දුර ප්‍රතිකාර සදහා කරාපිටිය ශික්ෂණ රෝහලට මාරු කර යවනු ලැබිණි. එහිදීද ඔහුව අදිකරණ වයිද්‍ය නිලදාරී විසින් පරික්ෂා කරනු ලැබිණි.

මෙම නඩුවේදී අදිකරණ වයිද්‍ය පෝරමය වැදගත් සාක්ෂියක් බවට පත් විය. මෙම නඩුව පැවරීමට පෙර එනම් 2006.04.06 වැනි දින පෙත්සම්කරු අදාල සිද්දිය පොලිස්පතිට, මානව හිමිකම් කොමිෂමට පොලිස් කොමිෂම ඇතුළු අදාල බලදාරීන්ට ලිකිතව පැමිණිලි කර තිබු අතර අපරදකරුවන් පැහැදිලිව හදුනා ගනු ලැබූ බවද සදහන් විය. නමුත් වගෞත්තරකරුවන් වෙනුවෙන් දැක්වූ කරුණු සනාථ කිරීමට පොලිස් තොරතුරු සටහන් පොත් වල සාක්ෂි නොවිණි.

මෙම නඩුවේදී කටපොල හන්දියේ ත්‍රිරෝද රථ රියදුරන්ට වගයුත්තරාකාර පොලිස් නිලදාරීන් පුරුද්දක් ලෙස ගාස්තු නොගෙවෙන බව තීරණය විය. 2006.03.07 වන දින 1 සිට 7 දක්වා වගයුත්තරකරුවන් පෙත්සම්කරුට පහරදීම නිසා ඔහුට අමානුෂික සහ පහත්කොට සැලකීම සිදුවූ බව තීරණය විය. වගයුත්තරකරුවන් මෙසේ ප්‍රසිද්දියේ පහරදීම එනම් පෙත්සම්කරුගේ මිත්‍රයින් සහ සහයකයින් ඉදිරිපිට එය සිදුවීම පුද්ගලිකව ඔහුව අපහසුතාවයට පත් කල 11 වන වගන්තිය උල්ලංගනය කිරීමක් බවද තීරණය විය.

මෙහිදී 09 වන වගයුත්තරකරු වන පොලිස්පති වන්දි ලෙස රුපියල් 25,000 ක් පෙත්සම්කරුට ගෙවීමට නියෝග කෙරිණි.

Advertisements