ජනතා අදිකරණය (4) ;- පුර හද කළුවර නඩුව.

Death_on_a_Full_Moon_Day

මේ ප්‍රසන්න විතානගේ එරෙහිව සරත් අමුණුගම, පුනරුත්තාපන යලි ගොඩනැගීම උතුරු සංවර්දන අමාත්‍ය සහ තවත් අය නඩුවයි. ශ්‍රී ලංකා නීති වාර්තා 391, Vol 1, 2001 හි සදහන්ව ඇත. මුලික අයිතිවාසිකම් නඩුවකි. චිත්‍රපටියක් මහජනතාවට ප්‍රදර්ශනය කිරීම ගැන සාකච්චා වේ. ආරක්ෂක අංශ වල සාමාජිකයින්ගේ ආත්ම ශක්තිය සහ ජාතික ආරක්ෂාව ගැන මෙහිදී සලකා බලා තිබේ. පෙත්සම්කරුගේ මුලික අයිතිවාසිකම් එනම් ආණ්ඩු ක්‍රම විවස්ථාවෙන් සහතික කර ඇති 12(1) වගන්තිය, 14 (1) (a ) සහ 14 (1) (g ) උල්ලංගනය වූ බව තීරණය කෙරිණි.

ශේෂ්ට්‍රදිකරන විනිසුරු මාක් ප්‍රනාන්දු මහතා තීන්දුව ලබා දුන් අතර ඔහු සමග ශේෂ්ට්‍රදිකරන විනිසුරුවරුන් වන අමරසිංහ සහ එදිස්සුරිය යන මහත්තුරු එකග විය. පෙත්සම්කරු වෙනුවෙන් නීතිඥ උපුල් ජයසුරිය සමග පි රදක්රිශ්නන්ද වගෞත්තරකරුවන් වෙනුවෙන් ජනාදිපති නීතිඥ සලීම් මර්සුෆ්ද අතිරේක සොලිසිටර ජනරාල්වරයා සහ ජෙෂ්ට රජයේ නීතිඥ අයි ඩි ද සිල්වා මහත්මිය පෙනී සිටින ලදී. පෙත්සම්කරු චිත්‍රපට නිෂ්පාදකවරයෙකි. 1997 දී ඔහු සිය සිවුවන චිත්‍රපටිය අද්යක්ෂණය කර නිපදවිය. එය පුර හද කළුවර ( Death on a Full Moon Day ) නමි.

පුර හද කළුවර ජාත්‍යන්තර සිනමා උළෙල කිහිපයකදීම ලංකාවේ තිරගත වීමට පෙර තිරගත කෙරිණි. එය ජාත්‍යන්තර සම්මානයෙන් පිදුම් ලැබූ අතර ලංකාවේදී ජනාදිපති සම්මාන උළෙලේදී විශ්ව කිර්ති සම්මානය එයට හිමි විය. ඒ 2000. 02. 11 වැනි දිනයි. ප්‍රසිද්ද රැගුම් පාලක මණ්ඩලය 2000.03.06 දින එය සිමා කිරීමකින් තොරව ලංකාවේ ප්‍රදර්ශනය කිරීමට අවසර ලබා දෙන ලදී. නමත් එය පසුව ප්‍රසිද්ද කරන ලෙස පෙත්සම්කරුට දැන්විණි. ඒ මැයි සහ ජුනි මාස වල අලිමන්කඩට එල්ල වූ එල් ටි ටි ඉ ප්‍රහාරය සහ රට යුද්ද තත්වයක පැවතීමට තීරණය කිරීමත් සමගයි. 2000.05.03 දින කැබිනට් තීරණයක් මගින් රට යුද්ද තත්වයක පැවතීමට සිදුවූ බව නිවේදනය කෙරිණි.

මෙම චිත්‍රපටියට පාදක වූ කතාව අනුරපුරයේ වියලි කලාපය පසුබිම් වුවකි. ගොවින් දැඩි නියගයෙන් පිඩාවට පත්ව සිටියහ. මේ අතර යුද්දයේදී මියගිය තරුණ සෙබලෙකුගේ සිල් තැබූ මිනි පෙට්ටිය ගමට ගෙනෙන ලදී. නමුත් ඒ සමගම ඔහු ලියු ලිපියක්ද ලැබිණි. ඒ ඔහු තමා උපයා ගත් වැටුපෙන් කුඩා ගෙයක් ඉදිකරන බවට සහ සහෝදරියගේ විවාහ මන්ගල්ල්ලයේ වියදම් තමා විසින් දරන බවටයි. ඔහුගේ මහලු පියා අන්දය. හෙතෙම මිනි පෙට්ටිය පිළිබද සාක්ෂියට වඩා විශ්වාස කලේ මෙම ලිපියයි. ඔහු සිය පුතා මියගිය බව විශ්වාස කලේ නැත. කොතෙක් බලපෑම් එල්ල වුවද ඒ වෙනුවෙන් පිරිනැමූ වන්දිය බාර ගත්තේද නැත. පසුව මිනි පෙට්ටිය ගොඩ ගත් අතර එය හිස් එකක් විය. චිත්‍රපටිය අවසන් වන්නේ මහලු පියා වැවක් අසල හිද ගෙන සිටින කුඩා ළමයි වැවු ජලයේ සෙල්ලම් කරන සෙමින් ඇද හැලෙන වර්ෂාවක් සහිත දර්ශනයෙකිනි.

පෙත්සම්කරු පුර හද කළුවර චිත්‍රපටිය සැදීමට රුපියල් මිලියන 1.5 ක ණයක් ගෙන තිබිණි. ශේෂ්ට්‍රදිකරන නියමය වුයේ දෙවන වගෞත්තරකුරු එයට පොලියක් අය නොකළ යුතු බවත් 2001.09.05 ට පෙර දෙවන වගෞත්තරකරු පෙත්සම්කරුට රුපියල් ලක්ෂ 05 ක වන්දියක් ගෙවිය යුතු බවත් පළමු වගයුත්තරකරු පෙත්සම්කරුට පවුද්ගලිකව රුපියල් 50,000ක් ගෙවිය යුතු බවත්ය.

Advertisements

One thought on “ජනතා අදිකරණය (4) ;- පුර හද කළුවර නඩුව.

Add yours

ප්‍රතිචාරයක් ලබාදෙන්න

Fill in your details below or click an icon to log in:

WordPress.com Logo

ඔබ අදහස් දක්වන්නේ ඔබේ WordPress.com ගිණුම හරහා ය. පිට වන්න / වෙනස් කරන්න )

Twitter picture

ඔබ අදහස් දක්වන්නේ ඔබේ Twitter ගිණුම හරහා ය. පිට වන්න / වෙනස් කරන්න )

Facebook photo

ඔබ අදහස් දක්වන්නේ ඔබේ Facebook ගිණුම හරහා ය. පිට වන්න / වෙනස් කරන්න )

Google+ photo

ඔබ අදහස් දක්වන්නේ ඔබේ Google+ ගිණුම හරහා ය. පිට වන්න / වෙනස් කරන්න )

WordPress.comහි නොමිලේ වෙබ්අඩවියක් හෝ බ්ලොග් සටහනක් සාදාගන්න.

ඉහළ ↑

%d bloggers like this: