ජනතා අදිකරණය (2) ;- “යුක්තිය” නඩුව.

m12
මේ දේශප්‍රිය සහ තවත් අයෙක් එරෙහිව නගර සබාව නුවරඑලිය සහ තවත් අය නඩුවයි. යුක්තිය පුවත් පත අත්අඩංගුවට ගැනීම සම්බන්දයෙන් වූ බැවින් අප එය යුක්තිය නඩුව ලෙස හදුන්වමු. ශ්‍රී ලංකා නීති වාර්තා 362 Vol 1, 1995 හි සදහන් වේ. මුලික අයිතිවාසිකම් නඩුවකි. ආණ්ඩු ක්‍රම විවස්ථාවේ 14 (1) (අ) වගන්තියේ දැක්වෙන බාෂණයේ හා ප්‍රකාශනයේ නිදහස මෙහිදී උල්ලංගනය වූ බව තීන්දු විය.

පෙත්සම්කරු යුක්තිය සතිපතා පුවත්පතේ කතෘ මෙන්ම අයිතිකරු වේ. 1992.10.10 දින නුවරඑලිය නගර සබාවේ නගරදිපතිනිය යුක්තිය පුවත්පත් 450 ක් බලයෙන් රැගෙන යන ලදී. ඒ නගරදිපතිනියට හිමි නිල බලය යටතේය. ඒ අනුව මෙය විදායක හා පරිපාලන ක්‍රියාවක් වේ. මෙසේ කලේ ආණ්ඩුවට එරෙහි වූ පත්තරයක් වසා දැමීමටයි.

ශේෂ්ට්‍රදිකරන විනිසුරු මාක් ප්‍රනාන්දු මහතා නඩු තීන්දුව ලියු අතර එයට ශේෂ්ට්‍රදිකරන විනිසුරන් වන දිරරත්න මහතා සහ වදුගොදපිටිය මහතා එකග විය.

මෙහි වගෞත්තරකරුවන් එවකට බලයේ සිටි එක්සත් ජාතික පක්ෂ ආදරකරුවන්ය. ඔවුන්ට පාර්ලිමේන්තුවේ මෙන්ම නගර සබාවේද බලය හිමි විය. යුක්තිය පත්තරය අත්අඩංගුවට ගැනීම පිලිබදව පොලිසියට පැමිණිලි කලද පොලිසිය පැමිණිල්ල ලියා ගත්තේ නැත.

මෙහිදී වගෞත්තරකරුවන් සිය නිල තත්වය යටතේ යුක්තිය පත්තරයේ පිටපත් 450 ක් අත්අඩංගුවට ගත් බව තීරණය විය. මෙය විදායක සහ පරිපාලනමය ක්‍රියාවකි. ඔවුන්ගේ උත්සාහය වුයේ ආණ්ඩුවට විරුද්ද පත්තරයක් දේශපාලන හේතුන් මත අදයිර්ය කිරීමයි. ඒ අනුව බාෂණයේ හා ප්‍රකාශනයේ නිදහස මෙහිදී උල්ලංගනය වී තිබේ.

රතනසාර හිමි එරෙහිව උඩුගම්පල නඩුවේදී පත්‍රිකා 20,000ක් අත්අඩංගුවට ගැනීම බාෂණයේ හා ප්‍රකාශනයේ නිදහස බරපතල ලෙස උල්ලංගනය වීමක් බවට වූ තීන්දුවද මෙහිදී අදාල කර ගැනිණි. එහිදි රුපියල් 10,000 ක් අලාබ වශයෙන් ගෙවන්නටද සිදු විය.

ආණ්ඩුව, දේශපාලන පක්ෂ, ප්‍රතිපත්ති සහ වැඩසටහන් වලට සහය පල කිරීම මෙන්ම විවේචනය කිරීමද ප්‍රජාතන්ත්‍රවාදී පාලන රටාවක මුලිකාංග වේ. ප්‍රජාතන්ත්‍රවාදයට විසම්මුතිය ඉවසීම පමණක් නොව උනන්දු කිරීමද අවශ්‍යයි යනුවෙන් මාක් ප්‍රනාන්දු මහතා ප්‍රකාශ කළේය.

මෙහිදී ලක්ෂයක වන්දියක් පෙත්සම්කරුවන්ට පිරිනැමිණි. එය රජය හෝ නුවරඑලිය නගර සබාව විසින් නොව දෙවන වගෞත්තරකරු විසින් ගාස්තු වශයෙන් රුපියල් දහදහක්ද සමග ගෙවිය යුතුවිය. මෙම දෙවන වගයුත්තරකරු එවකට නුවරඑලිය නගර සබාවේ නගරදිපතිනිය විය.

පෙත්සම්කරුවන් වෙනුවෙන් නීතිඥ ආර් කේ ඩබ්ලියු ගුණසේකර සමග ජේ සි වැලිඅමුණ සහ එල් සි එම් සුවමදිපතිද පළමු සහ දෙවන වගයුත්තරකරුවන් වෙනුවෙන් නීතිඥ එල් සි සෙනෙවිරත්න සහ ජනාදිපති නිතීඥ රොනල්ඩ් පෙරේරා සමග එච් සිටුගේ පෙනී සිටින ලදී.

One thought on “ජනතා අදිකරණය (2) ;- “යුක්තිය” නඩුව.

ප්‍රතිචාරයක් ලබාදෙන්න

Fill in your details below or click an icon to log in:

WordPress.com Logo

ඔබ අදහස් දක්වන්නේ ඔබේ WordPress.com ගිණුම හරහා ය. පිට වන්න / වෙනස් කරන්න )

Twitter picture

ඔබ අදහස් දක්වන්නේ ඔබේ Twitter ගිණුම හරහා ය. පිට වන්න / වෙනස් කරන්න )

Facebook photo

ඔබ අදහස් දක්වන්නේ ඔබේ Facebook ගිණුම හරහා ය. පිට වන්න / වෙනස් කරන්න )

Google+ photo

ඔබ අදහස් දක්වන්නේ ඔබේ Google+ ගිණුම හරහා ය. පිට වන්න / වෙනස් කරන්න )